Punnyakari Mon National Society- Japan
Thursday, 24 February 2011
Tuesday, 22 February 2011
(၆၄)နှစ်မြောက် မွန်အမျိုးသားနေ့ ၊နာဂိုယာမြို့၊ ဂျပန်
ဂျပန်နိုင်ငံရောက် မွန်တိုင်းရင်းသားများတို့မှ စုပေါင်း၍ (၆၄)နှစ်မြောက် မွန်အမျိုးသားနေ့ အခမ်းအနားကို နာဂိုယာမြို့ MOTOYAMA CO-PO 4F,ခမ်းမ၌ ယနေ့ အပိုင်း ၂ ပိုင်းခွဲကာ ကျင်းပ ပြုလုပ်ခဲ့ကြပါသည်။
ပြည်တွင်းမှာ လွတ်လပ်စွာ ကျင်းပခွင့် မရတော့တဲ့ အမျိုးသားနေ့ အခမ်းအနားကို ယခုလို ပြည်တနေရာတွင် ပွင့်လင်းစွာ ပြောဆို ဆွေနွေးမှုများ၊ မိမိတို့ ယဉ်ကျေးမှုကို ပကတိအတိုင်း ထုတ်ဖော် ပြသနိုင်မှုများဖြင့် ကျင်းပ နိုင်ခြင်းကြောင့် လူများစွာ မလာရောက်နိုင်လင့်ကစား အမျိုးသားရေး လက္ခဏာအမှန်များကို တွေ့မြင် သိရှိခံစားရသည့်အတွက် နိုင်ငံရေး အနှစ်သာရ ပြည့်ဝသည်ဟု ပလောင်အမျိုးသားနှင့် အမျိုးသားဒီမိုကရေစီ တပ်ပေါင်းစု ဂျပန်ကိုယ်စားလှယ် ကိုမိုင်ကျော်ဦးက ပြောပြသွားသည်။
သမိုင်း အစစ်အမှန်ကို ခေတ်ကာလ အလိုက် အပိုင်းအခြားဖြင့် မွန်တို့၏ ဖြစ်တည်မှု အကြောင်းနှင့် မွန်အမျိုးသားများ ဆင်းသက်လာပုံ၊ အမျိုးသားရေး လှုပ်ရှားမှုများကို ကိုမင်းဝင်းတေဇ မှလည်ကောင်း၊ မွန်ဘာသာ စာပေနှင့် ယဉ်ကျေးမှုများကို ထိုင်းနှင့် မြန်မာနိုင်ငံ တို့တွင် ရှာဖွေ တွေ့ရှိချက်များကို powerpoint ဖြင့် ရှင်းလင်း တင်ပြခဲ့ကြသည်။
ဂျပန်နိုင်ငံတွင် ကျင်းပလေ့ရှိသည့် တိုင်းရင်းသားများ၏ အမျိုးသားနေ့များ ထုံးစံအတိုင်း ရိုးရာ အစားအသောက်များကို ဧည့်ခံ ကျွေးမွေးခဲ့ပြီး မွန်အမျိုးသားရေး စိတ်ဓါတ်ကို တက်ကြွစေသော မွန်အမျိုးသား သီချင်းများကို ဖျော်ဖြေမှုများဖြင့် ပြုလုပ်ခဲ့ကြကြောင်း သိရသည်။
သတင်းရေးသားသူ-မိုင်ကျော်ဦး၊ သန့်မျိုးထွေး
Monday, 21 February 2011
Wednesday, 16 February 2011
Monday, 7 February 2011
၆၄ နှစ်မြောက် မွန်အမျိုးသားနေ့
ပုညကာရီမွန်အမျိုးသားအဖွဲ့မှဦးစီး၍ ဂျပန်နိုင်ငံတွင် မွန်အမျိုးသားနေ့
ကျင်းပလာခဲ့သည်မှာ ယခုဆိုလျှင် ၁၉ ကြိမ်မြောက်ခဲ့ပြီးဖြစ်သည်။
ယခုနှစ် မွန်အမျိုးသားနေ့ကို ၂၀၁၁ ခုနှစ် ဖေဖော်ဝါရီလ ၂၀ ရက်နေ့
နာဂိုယာမြို့တွင် ကျင်းပမည်ဖြစ်ပါသည်။ ဂျပန်ရောက်မွန်အမျိုးသား
များအားလုံး ပူးပေါင်းပါဝင်ကြရန်နှင့် ပြည်ထောင်စုသား ညီအကို
မောင်နှမများအားလုံး မွန်အမျိုးသားနေ့ အခမ်းအနားတွင်ပျော်ရွှင်စွာ
ပါဝင်ဆင်နွှဲကြပါရန် လေးစားစွာ ဖိတ်ကြားအပ်ပါသည်။
ဆက်သွယ်ရန်- 090-2252-1988 ၊ 080-1233-5760
080-3987-5612 ၊ 090-6092-3385
သောင်းကျန်းသူအဖွဲ့ဟု မွန်ပြည်သစ်ပါတီအားပြန်လည်ခေါ်ဝေါ်
မင်းထက်အောင်(ဖေဖေါ်ဝါရီ-၄)။ ။ ယနေ့စစ်အစိုးရသတင်းစာများဖေါ်ပြချက်၌ မွန်ပြည်သစ်ပါတီအား မွန်သောင်းကျန်းသူအဖွဲ့ဟု ရေးသားထားသည်ကို ဖတ်ရှုရသည်။
“မွန်ပြည်နယ်၊ ကျိုက်မရောမြို့နယ်၊ မယ်တရိုကျေးရွာ၌ ဇန်နဝါရီလ ၃၁ ရက်ညပိုင်းတွင် မွန်သောင်းကျန်းသူအဖွဲ့နှစ်ဖွဲ့ပစ်ခတ်မှုဖြစ်ပွားရာ အပြစ်မဲ့ပြည်သူတစ်ဦးသေဆုံးခဲ့ကြောင်း” သတင်းရေးသားဖေါ်ပြသည်။
 |
|---|
တဖန် မွန်သောင်းကျန်းသူအဖွဲ့နှစ်ဖွဲ့ဆိုရာ၌ “မွန်ခွဲထွက်အဖွဲ့မှတပ်စုမှူးအဆင့်ရှိ ကိုရင်လေး(ခေါ်) ကွန်ဟပွေး ဦးစီးအဖွဲ့နှင့် မွန်ပြည်သစ်ပါတီမှ တပ်ခွဲမှူးအဆင့်ရှိ ဘကျော် ဦးစီးအဖွဲ့တို့ နာရီဝက်နီးပါးခန့် ထိတွေ့ပစ်ခတ်မှုဖြစ်ပွားခဲ့သည်” ဟု စစ်အစိုးရသတင်းစာတွင် ရေးသားထားသည်။
မြန်မာအစိုးရအဆက်ဆက်က မွန်ပြည်သစ်ပါတီအား သောင်းကျန်းသူအဖွဲ့ဟု ခေါ်ဝေါ်လာခဲ့ရာ ၁၉၉၅ ခုနှစ် လက်ရှိစစ်အစိုးရနှင့်မွန်ပြည်သစ်ပါတီအပစ်ရပ်ပြီးနောက် ငြိမ်းချမ်းရေးအဖွဲ့ဟု ပြောင်းလဲခေါ်ဝေါ်လာခဲ့ပြီး အဆိုပါသောင်းကျန်းသူအဖွဲ့ခေါ်ဆိုမှုအသုံးအနှုံး ၁၅ နှစ်ခန့်ရပ်ဆိုင်းခဲ့သည်။
ထို့နောက် အပစ်ရပ်မွန်ပြည်သစ်ပါတီအား နယ်ခြားစောင့်တပ်(သို့မဟုတ်) ဌာနေပြည်သူ့စစ်တပ် ပြောင်းလဲဖွဲ့စည်းရန်စစ်အစိုးရက အတင်းအကြပ်ဖိအားပေးလာသဖြင့် ၂၀၁၀ ခုနှစ် ဧပြီလတွင် နှစ်ဖက်တင်းမာမှု ပိုမိုဖြစ်ပေါ်ခဲ့သည်။
၂၀၁၀ ခုနှစ်သြဂုတ်လ(၂၃) ရက်နေ့တွင် အရှေ့တောင်တိုင်းစစ်ဌာချုပ်၌ စစ်အစိုးရနှင့်မွန်ပြည်သစ်ပါတီ နှစ်ဖက်ကိုယ်စားလှယ်များ ထပ်မံတွေ့ဆုံရာတွင် “လက်နက်စွန့်လွှတ်ရေးဆောင်ရွက်မှုကို (၁၊၉၊၂ဝ၁၀)ရက်နေ့ နောက်ဆုံးထားဆောင်ရွက်ရပါမယ်။ လက်နက် စွန့်လွှတ်ရေးကိုဆောင်ရွက်မှုမပြုဘဲ ထိုနေ့ထက် ကျော်လွန်ကိုင်ဆောင်မယ်ဆိုရင် နဂိုလ်မူလလက်နက်ကိုင် သောင်းကျန်းသူ အဖြစ်သတ်မှတ်လိုက်မယ်ဖြစ်ပြီး မိမိတို့လဲဥပဒေအရ တရားဝင်ဆက်ဆံခွင့် မရှိတော့ကြောင်း” စစ်အစိုးရကိုယ်စားလှယ်ပြောကြားချက်ကို ယခင်သတင်းများတွင် ဖေါ်ပြခဲ့ပြီးဖြစ်သည်။
“သောင်းကျန်းသူလို့ မြန်မာစစ်အစိုးရကခေါ်ပေမယ့် တိုင်းရင်းသားတွေမှာကျတော့ တော်လှန်ရေးအဖွဲ့အစည်း၊ တော်လှန်ရေးသမားလို့ခေါ်ကြတယ်၊ အမှန်တကယ် ဘယ်လက်နက်ကိုင်အဖွဲ့အစည်းတွေက တိုင်းရင်းသားဒေသကိုလာရောက်ပြီး သောင်းကျန်းနေတယ်ဆိုတာ အခုလက်ရှိဖြစ်ပေါ်နေတဲ့ ကရင်ပြည်နယ်စစ်ပွဲတွေက သက်သေတွေပဲ” ဟု ဘုရားသုံးဆူဒေသရှိ အမည်မဖေါ်လိုသော ဗုဒ္ဓဘာသာကရင်ဆရာတော်တပါးက မြွက်ဆိုသည်။
၂၀၁၀ ခုနှစ်၊ အောက်တိုဘာ ၁၄ ရက် စစ်အစိုးရသတင်းထုတ်ပြန်ချက်၌ ကေအိုင်အိုကချင်အဖွဲ့အား သောင်းကျန်းသူအဖွဲ့အစည်းဟုရေးသားခဲ့သည်ကို ယခင်သတင်းများတွင် ဖေါ်ပြခဲ့ပြီး ဖြစ်သည်။
ကချင်ကေအိုင်အို၊ မွန်ပြည်သစ်ပါတီ၊ ကေအဲန်ယူကရင့်အမျိုးသားအစည်းအရုံး၊ ချင်းအမျိုးသားတပ်ဦး၊ ရှမ်းပြည်တိုးတက်ရေးပါတီနှင့် ကရင်နီအမျိုးသားတိုးတက်ရေးပါတီတို့သည် ဖက်ဒရယ်ပြည်ထောင်စုပေါ်ထွန်းရေးကော်မီတီဖွဲ့စည်းခဲ့ပြီး စစ်ရေးမဟာမိတ်ဖွဲ့ပြုထားကြသည်။
လက်ရှိကာလတွင် စစ်အစိုးရတပ်များနှင့် မွန်ပြည်သစ်တပ်ဖွဲ့များ တဖက်နှင့်တဖက် ပစ်ခတ်မှုများမဖြစ်ပေါ်သေးကြောင်း မွန်ပြည်သစ်ပါတီမှ ပြောပြချက်များအရသိရသည်။
မှတ်ချက်။....။ကာင်းဝါသတင်းဌာန ကူးယူတင်ပြခြင်းဖြစ်သည်။Thursday, 20 January 2011
စစ်မှုမထမ်းမနေရပြဌာန်းချက် ဥပဒေနှင့် မညီဟု မွန်နိုင်ငံရေးခေါင်းဆောင်ပြော
January 18th, 2011
ညးအုပ်ကာ ဗော်ဍုင်မန်တဿိ နဲာဟံသာ
ရိုင်မရော့ – မြန်မာစစ်အစိုးရ၏ စစ်မှုမထမ်းမနေရ ဥပဒေပြဌာန်းချက်သည် လက်ခံနိုင်သည့် ဥပဒေပြဌာန်းချက်တစ်ရပ်မဟုတ်သလို ဥပဒေနှင့် ကိုက်ညီမှုမရှိဟု နိုင်ငံရေး လေ့လာသုံးသပ်သူများက ပြောသည်။
“သူတို့ (စစ်အစိုးရ) တွေက သူတို့ ချမှတ်ထားတဲ့ ပေါ်လစီအတိုင်း တင်းကြပ်တဲ့စစ်နည်းနဲ့ပဲ သွားမှာပါ၊ စစ်ရေးတိုးမြှင့်သွားမှာပဲ။ အခုဆိုရင် သူတို့တပ်အင်အားတွေမှာ အရွယ်မရောက်တဲ့ ကလေးစစ်သားတွေများနေတယ်လို့ နိုင်ငံတကာက မြင်လာတော့ အခုလို အတင်းအဓမ္မနည်းနဲ့ စစ်အင်အားတွေ တိုးမြှင့်ချင်တဲ့ သဘောပဲ” ဟု မွန်ပြည်သစ်ပါတီ အထွေထွေအတွင်းရေးမှူး နိုင်ဟံသာက ပြောသည်။
မြန်မာစစ်အစိုးရအနေနှင့် ယခုပြဌာန်းချက်အပေါ် အကောင်အထည်ဖော်နိုင်လိမ့်မယ်ဟု မျှော်မှန်းထားသော်လည်း ပြည်သူလူထုများအနေနှင့် ထောက်ခံမည့် အလားလာမရှိပါ၊ အတင်းအဓမ္မလုပ်ခဲ့လျှင် လွတ်မြောက်ရာ ထွက်ပြေးတိမ်းရှောင်သွားကြမည်ဖြစ်ပြီး စစ်အစိုးရလက်အောက်ရှိသူများကသာ ၄င်းတို့ ပ်ါလစီအတိုင်း လုပ်ဆောင်သွားမှာဖြစ်သည်ဟု နိုင်ဟံသာက ဆက်ပြောသည်။
စစ်မှုမထမ်းမနေရ ဥပဒေပြဌာန်းလိုက်ခြင်းဖြင့် မြန်မာစစ်အစိုးရတို့သည် နိုင်ငံရေးပြဿနာကို စစ်ရေးဖြင့် ဖြေရှင်းချင်သည့်သဘော ရှိသည့်အပြင် ရှေ့ဆက်မည့် မြန်မာနိုင်ငံအခြေအနေသည် လက်ရှိ ဖြစ်ပေါ်နေသည့် ပြည်တွင်းစစ်အခြေအနေထက် ဆိုးသထက် ဆိုးလာသည့်အနေအထားရှိကြောင်း နိုင်ဟံသာက ပြောသည်။
“ဥပဒေမှာ ပြဌာန်းတာတော့ ပြဌာန်းတာပဲ အကောင်အထည်ဖော်ဖို့က သိပ်မလွယ်ဘူးထင်တယ် နောက်ပြီးတော့ လွှတ်တော်မှာလည်း ဒီဥပဒေပြဌာန်းချက်နဲ့ ပတ်သက်ပြီးတော့လည်း တင်ပြဆွေးနွေးသွားဖို့ဆိုတာလည်း ရှိအုံးမယ်၊ ဘာလို့လဲဆိုတော့ ဒီပြဌာန်းချက်က ဖြစ်နိုင်မယ့်ပြဌာန်းချက်လည်းမဟုတ်ဘူး။ ပြီးတော့ ဘာမှအကျိုးဖြစ်လာမှာလည်းမဟုတ်ဘူး ကျနော်တို့အနေနဲ့လည်း လက်မခံဘူး။ ဘာလို့လဲဆိုတော့ ဒီဥပဒေပြဌာန်းချက်က လက်ခံနိုင်တဲ့ပြဌာန်းချက်တစ်ရပ်မဟုတ်ဘူး” ဟု မွန်အမျိုးသား ဒီမိုကရေစီပါတီမှ ဥက္ကဌ နိုင်ငွေသိန်းက ပြောသည်။
အရွယ်ရောက်သူတိုင်း စစ်မှုမထမ်းမနေရ ဥပဒေပြဌာန်းချက်ကို ၂၀၀၈ ဖွဲ့စည်းပုံအခြေခံဥပဒေမှာ ပြဌာန်းထားခဲ့ပြီး၊ လွှတ်တော်မခေါ်ခင်မှာ ယခုကဲ့သို့ စစ်မှုမထမ်းမနေရ ဥပဒေပြဌာန်းချက်ကို ပြဌာန်းလိုက်ခြင်းမှာ တရားမျှတမှုမရှိကြောင်းလည်း သုံးသပ်ပြောဆိုနေကြသည်။
ပြဌာန်းလိုက်သည့် စစ်မှုမထမ်းမနေရ ဥပဒေမှာ အရွယ်ရောက်အမျိုးသမီး အသက် ၁၈ နှစ်နှင့် ၃၅ နှစ်ကြား၊ အသက် ၁၈ နှစ်နှင့် ၄၅ နှစ်ကြားရှိ အမျိုးသားတို့သည် ၂ နှစ်မှ ၃ နှစ်ထိ စစ်မှုထမ်းရမည်။
“ဒီဥပဒေက ပြည်ပနိုင်ငံတွေမှာလည်း ပြဌာန်းထားတာပဲ ဒါပေမယ့် သူများနိုင်ငံတွေက အေးချမ်းတဲ့နိုင်ငံတွေဖြစ်တယ်။ ပြီးတော့ ကျနော်တို့ နိုင်ငံလို တိုင်းရင်းသားပေါင်းစုံနေထိုင်တဲ့နိုင်ငံတွေမဟုတ်ဘူး၊ ပြီးတော့ တိုင်းရင်းသားပေါင်းစုံ နေတဲ့နိုင်ငံတွေ အဲဒီတော့ ဒီစစ်မှုမထမ်းမနေရ ဥပဒေပြဌာန်းချက်ကတော့ အကောင်အထည်ဖော်နိုင်ဖို့ဆိုတာ သိပ်လွယ်လှတာမဟုတ်ဘူး” ဟု မွန်နိုင်ငံရေးလေ့လာသုံးသပ်သူ နိုင်တလရွတ်က ပြောသည်။
ပါလီမန်တွင် ပြဌာန်းသင့်သည်၊ သို့ပေမယ့် ယခု လွှတ်တော်မခေါ်မီ ပြဌာန်းလိုက်သည်မှာ တရားနည်းလမ်းကျသည့် ပြဌာန်းချက်မဟုတ်ဘဲ ယခုပြဌာန်းချက်သည် ပြည်တွင်းစစ်ဖြစ်နေသည့် မြန်မာနိုင်ငံအတွက် ပိုမိုဆိုးဝါးလာသည့်အခြေအနေဖြစ်လာနိုင်မည်၊ ယခုပြဌာန်းချက်ကို အမှန်တကယ် အကောင်အထည်ဖော်မည့်ဆိုလျှင် ပြည်သူများအတွက် လက်ရှိအခြေအနေထက် ပိုမိုဆိုးဝါးလာသည့်အခြေအနေဖြစ်လာမည်ဟုလည်း နိုင်တလရွတ်က ပြောသည်။
စစ်မှုထမ်းရန်အတွက် ကာယကံရှင်ကိုယ်တိုင် အာဏာပိုင်များထံ စာရင်းပေးသွင်းရမည်ဖြစ်ပြီး စစ်မှုထမ်းရန်အတွက် စာရင်းပေးသွင်းမှု ပျက်ကွက်ပါက ထောင်ဒဏ် ၅ နှစ်ထိ ကျခံရမှာဖြစ်သည်ဟု ဗွီအိုအေသတင်းစာမျက်နှာတွင် ဖော်ပြထားသည်။
http://burmese.monnews.org/?p=1409ကူးယူတင်ပြခြင်းဖြစ်သည်။
Subscribe to:
Posts (Atom)